Sandamtu hi ka hriet hma chun
Phuahtu: Rev. Thangngur
ṬHB 230.
Doh is B
KA THLARAU SANDAM DINGIN
Sandamtu hi ka hriet hma chun,
Mi dang Pathien ka lo sawn a;
A chanchinṭha ka hang tiem a,
Ka Pa ka’n hmangsan kha a nih.
Ka’n hmangna ṭituma a mi zawngna chu,
Rinum tinrêng a hung tuor a,
Ka thlarau sandam dingin.
A chanchin hang hril zel khawm hin,
Lungril a va suklawm ngêi aw
Thlarau inhriettirna lem chun,
Mitthli a sûr naw thei nawh.
A famkima hmu chu ka va nuom ngêi aw!
Ka suol fâina dinga thisen
A luongna ser ngêi khawm kha.
A thi tawm chen khawm khan Isu
Chu a hmêlma di’n a ṭawngṭai;
“Aw Pa, anni hi ngâidam rawh,
An thilthaw an hriet nawh”, tiin.
Hmangainaa khawm a va tawpkhawk ngêi aw!
Pathien lungsietna Kalvari
Khêla mi hril thei an um nawh.
Mi suol keini hai ta dingin,
I va’n pêk ruok ngêi de, Isu!
I silfên khawm I chang naw maw?
I zakuo di’n thûm an vawr a.
Hringna pe khawp hiela mi lunginsiettu,
Ka thi tawm chen khawmin Lalpa,
Hung theinghil naw ning chengah.
Rev. Thangngur Hlate
Chanchintha thu maktak
KA PA I NIH, KA PATHIEN NGEI I NIH
Siar chunga singin remtu (VAN LAL HMANGAINA)
Pielral nisa ka lungrilah a hung var tah (PA THUNUNNA)
Lungngaina kan tlangpui (LUNGNGAINA NITIN KAN THANGPUI)
Kanaan phaizawl Saron par mawi
Kanaan ramthar hung pan dingin
Ka lawmna par ang an thliek tah (PAR ANG AN THLIEK)
Hnuoi lawmna sawtnawte hman ei thlakhla chun (LAWMNA HLUN DING)
Hnuoi hi a ngui zo tah (RAM THAR SIEM)
KA PA I NIH, KA PATHIEN NGEI I NIH
Siar chunga singin remtu (VAN LAL HMANGAINA)
Pielral nisa ka lungrilah a hung var tah (PA THUNUNNA)
Lungngaina kan tlangpui (LUNGNGAINA NITIN KAN THANGPUI)
Kanaan phaizawl Saron par mawi
Kanaan ramthar hung pan dingin
Ka lawmna par ang an thliek tah (PAR ANG AN THLIEK)
Hnuoi lawmna sawtnawte hman ei thlakhla chun (LAWMNA HLUN DING)
Hnuoi hi a ngui zo tah (RAM THAR SIEM)
