Tulai ei ram le kohranah suol ral a hrâng mek ie
Phuahtu: Lal Remsiem
ṬHB 129.
Doh is C
INSUIKHAWM ZAI REL EI TIU
Tulai ei ram le kohranah suol râl a hrâng mêk ie,
Indikna le inremnain hmun a chang ta nawh;
Mani hmasielna le ṭha intina’n a sip zo tah,
Siemtu lunglâi a va na ngêi, remna thu hril ei tiu khai!
Hung ro insuikhawm zâi rêl ei tiu, eini Kristien kohranhai,
Lalpa’n khawvêl mihai laia a mi ko hran hai ei nih;
Lungril hmunkhat putin hmangainain ro rêl ei ta,
Ei ram le ei kohran hi pâr ang la hung vul ngêi a tih.
Suol nghatsan la, thil ṭha thaw rawh, inremna hnawt pei rawh,
Lungril kawi le mani hmasiel Lalpa’n a dit nawh;
Lalpa mit chu mifelhai chunga chun a fu hlak si,
Mihai ta dinga malsawmna ni lem dingin a mi ko.
Hung ro, ei lungril sûng hliem hai Lalpa’n a sukdam tah,
Ei natna po Lalpa’n krawsah a khêngbet vawng tah;
Lungril hmunkhat putin, hmangaina hmunkhat chu neiin,
Lalpa i lawm tlâka lawmna sukfamkimtu ni’ng ei tiu.
Inremna le inpumkhatna inlêng sien ei ramah,
Mani nêkin mi dang ṭhalemah ngâi seng inla,
Chuongchun mitin lungruol takin inpâkna vawr ei ta,
Ei ram le ei hnam lungmawl hi pâr ang hung vul ta’ng a tih.
