Ka chan sietzie hi ngaituo tu
Phuahtu: Rev. Ngamlalchawl
ṬHB 90.
Doh is G
THAW RO INNGIR EI TIU
Ka chan sietzie hi ngaituo tu,
Jerusalem kul angin;
Ei ram, ei hnam a chim zo tah,
Tho ei ta, inngîr ei tiu.
Thaw ro, inngîr takluo’ng ei tiu,
A siet nawna a um nawh;
Hrilsieta ei um nawna di’n,
Tho ei ta, inngîr ei tiu.
Mi tin kulhai lo chim tahin,
Sûngtin kulhai a chim zo;
Kohran tin a chim ta bawk a,
Mihai suokah ei um tah.
Lalpa, kei le ka pa sungha’n,
I dân kan lo bawsiet a;
Sienkhawm, aw Lalpa, ka ngên che,
Ka mitthli hi theinghil naw.
I mihai chu lo suol tahin,
Kawlkil tin lo tlung sienkhawm;
An suolhai sima an kîr chun,
“Malsawm ka tih” I ti kha.
