A nih ie pa, i lalram siemdan a mak ngei
Phuahtu: Lalneihlim
A nih ie Pa, I Lalram siemdân a mâk ngei,
I hausakna ka chên zing laiin tlâksamnahai;
I mi siem pêk I hausakna sirkim dingin,
Saruok hmunhai-ah i lo ngîr hlak.
Iengkim siemtu Lalpa iengkim sûngah;
Iengkim fang suokin lo um naw la chu;
Seol thlân thimha’n mi lem ta’ng an tih.
Chânsiet leia inrûm rihai a re zo tah,
Ṭapna varuomhai ka hraw laiin ṭap theinahai;
I mi siem pêka hmun le ram chawimawi dingin,
Thuom inchawi tawka ngîr pei a ṭul.
Kan ram mawina hi changthlangin ngîr pei ka tih,
Hieng ang lawma lawmna insâng hi ka hriet ngai nawh;
Vângduoina khawm lawmna hmuna an chang si chun,
Lawmna sipliem ram i mawi chungchuong.
Kan sakhming mawina tlângzârtu I mawi ngei ie,
Ieng leiin am mi ramah kan Zion hla rem kan ta?
Ka ailak ram ka chunga tlung ding a ruothai,
Hnielin ka lênruol kan hlân ta nawh.
