A ngur a hranghai le mithiem milalhai kha
Phuahtu: Zosanglien Zote
A ngûr a hrânghai le, mithiem milalhai kha,
Sandamtu nei lovin piellei thuo riet hnuoiah;
Sâm ang dairiel changin chatuon rammawi cha’n di’n,
Buonlei-ah an zâl tah.
Aw, hung ta um, ruoltharhai,
Zion kudam tieng sawn va lêng ei tiu;
Kalvari hopital Kros rûn remmawi-ah,
Eden suol hrik sukfai dingin;
Zion doctor hma-ah operation va thawng ei tiu.
Zion kulpui sûngah thlamuonga lêng dingin,
Chitin hnamtin an fiel, hnena rawl mawi tak chun;
Jordan rêl ram mawiah, chatuon tlângmawi panin,
Mu angin vuong ei tih.
Eden suola tlu tah, thlarau saltânghai leh,
Damna rûnpui an rem, Kalvari tlâng chungah;
Sûngkimtea lêngin, Zion tlângsâng chungah,
Hlimin bân vawr ei tiu.
Lal thisen sawpfai Zion tlâng tieng pan di’n,
Hnung ngai lova lêngin, hringna thingzâr hnuoiah;
Mârtar tlansahai leh hlim tawp lova lêng di’n,
Postmortem tlâng ei tiu.
