Thlafam ngaia tlaini len chu
Phuahtu: Hrangchhungi
Doh is E♭
Thlafam ngaia tlaini len chu,
Thinlai a zîng riai e;
Kir leh reng hian an mawi si lo,
Hnutiang an chhâwn khawvêl ram hi;
An sûl i hnu rûn chhung zau leh laitual zawngte,
Ka țah mittui an chang zo ta.
Aw, ngaiin ka țap dâr ang len lai kha,
Rûn chhung nau ang nuihna,
Rial tui ang a dai e;
Chhungkimte a hlimlaini zawng kha,
Ka țahna an chang zo ta e.
Min dawnpui ve ang maw chinlai
Lenrual lungduhte hian;
Ka pâr mawi kung vullai a tliak,
Piallei thuahriat hnuaia zâl chu;
Tawn leh ni reng a awm dawn lo khawvêlah hian,
Ka țap tlâng rel ka dawn zo lo.
Lalpa siam thar khawpuiah chuan,
An lêng e, lungduhte;
Khawvel ram reng an ngai tawh lo,
Zion Lalpa ropui fakin,
‘Haleluia’ tia auvin zâi an rem e,
Lâwmna chûl lo chu an chang ta.
