Khawvelah hian mikhual ka ni
Phuahtu: V. Hawla
Doh is E♭
Khawvelah hian mikhual ka ni,
Aw, ka ngâi țhin mang e, ka chhûngte chu;
Ka cham chhûngin buaina tinrêngten,
Tui lian angin nitin min lên.
Aw, hun min dâltu hi a bo hunah,
Hmun hlun ram chu ka pan ang;
Tahchuan ngâi lovin ka chênna hi,
Buainate nen ka chhuahsan ang.
Lungngaih dâr ri thang vêlte leh,
Buaina tinrêng rûmri ka hriatte hian;
Ka chatuan ram min ngaihzual tir țhin,
Ka pa hmel ni anga ênna.
Ka zinna ram thlalêrah hian,
Ka Lal ram luhpui tlâk rêng ka nei lo;
Nunna thuchah nei lo phei ilang,
Kut ruakin ka ram ka pan ang.
Ka Lal ram chuan ni a ngai lo,
A hmêl țhatnain khawpui chhung a ên;
Rorelna Lalțhuthlênga țhuin,
Fakna rimawiten a bâwm a.
