EI LENG DIEL DIEL DING SI
Ei vankhawpui mawia chun,
Serafimhai leh lungruol diel dielin;
A mi'n tlantu Krista hmel en vel ruoi ruoi leh,
Lungruol takin ei leng diel diel ding si.
Aw chu hmun mawi tak chun,
Ei leng diel diel ding si;
Inelrelna um loin,
Ei leng diel diel ding si.
Jerusalem khawpui chu,
A mawizie chu lung man tam taka chei;
An thieng dan chu darthlalang ang el a ni si,
Krista hmel chun elvar sieu sieu a tih.
Hringna thing deihlim hnuoiah,
Lungngai um loin chawl vawng vawng ei ta;
Kei khawm hringna lallukhum khum ve ta'ng ka ta,
Chatuon, chatuonin leng ve ta'ng ka tih.
Hringna vadung mawi tak chu,
Chatuon, chatuonin luong del del a tih;
Chu hmun chu tlung kar ka va nghalhla ngei de aw,
Ka suongtuo changin ka thlir vawng vawng ie.