KA NGHAKHLA
Chungkhuo runrem mawi taka khin,
Ei hmaa lo fe hmasain;
Tuollai an leng, ei ruoldithai,
Mithienghlimhai lengna ram mawiah.
Chu ram mawi chu tlung kar ka nghalhla,
Lungzur, ruol dithai an lengna hmun;
Hla mawia Sandamtu inpakin,
Hnuoi hmun reng hi an ngai ta nawh.
Damlai khawvela hin hlim te'n
Lengin du-ai ei sam hlak a;
Chungtieng kona chu hmasuonin,
Thena biethu an mi'n hlan ta si.
Tapkhuo sei di'n ei lengza a,
Tapkhuo sei di'n ei inthe nawk;
Ka n gai zuol hlak, lungdit lengna,
Chim lo tea hlim zai an vawrna.
Ka'n vaina ram hmun khawsawt hi,
Ka hnusawn ni a tlung pha leh;
Vakam mawiah ka the ta ha'n,
Lawm takin mi lo tuok ngei an tih.