NITIN LALPA
Zing ni chhuak engmawi leh boruak thiang kârah,
Chibai bûkin Lalpa I hmaah ka lokal e;
Ni thar duhawm leh mawi min pek vângin,
Kunin I hnenah lawmthu ka rawn sawi e.
Chhun alo thlenin I hmêl min hmuhtir la,
Englaipawhin ka ke pên min tihngil sak la;
Nunkawng râltitnaa awm ka nih in,
Min vêngin Lalpa min hualhim zêl ang che.
Nitin Lalpa I hnena awm ka duh,
Ka tih ka sawi, ngaihtuahna leh
Ka duhthlanna zawngte I ram leh I felna nên inrem in.
Khua alo tlai a, ni alo tlâk dawnin,
Ka tih dikloh awm apiang min hriat chhuah tir la;
Thuphâ ka chawi, thinlung inchhirin,
Malsawm tlâk a nun mawi neih ka duh e.
Zân alo thlen in hahchawlhna min pe la,
Thinlung lawm a khatin laikhumah min zâl tir la;
Zân mu chhin in mang lamah min hrilh rawh,
Ram hlun tur Vân Jerusalem chanchin mawi.
Ka nunah I duhdân Lal ber se,
Mite tân malsawmna ka nih theih nân
Ka chakna leh theihna zawng te hi, min vên sak ang che aw,
I TAN CHAUH LALPA.