Lung a min len thlir nghawk naw ning
Phuahtu: Kamlova
ṬHB 282.
HNUOI LUNGNGAI MITTHLI
Lung a min len thlir nghawk naw ning,
Hnuoi lungngai khel ram saw;
Dam lai lungngai sumpui zing hi,
Khel ka tih, tapna ram.
Hnuoi lungngai mitthli hul a ta,
Ka tap lai ni bo a ta;
Aw, Lalpa hmel hmu ka nghakhla,
Aw, bo el rawh, hnuoi nghawk-um
Ka tapna zan thim bo a ta,
Jordan varala khin;
Aw ka ngai, ka lawmna takhai,
An lengna rama khin.
Aw, iengtik am tlung veng ka ta,
Ka chung ram inhawi khi?
Varuom thim ka pal kai pha chun,
Tapna ram ngai naw ning.
