Ka nau, i lungril po po chu mi pe rawh
Phuahtu: Vanlalbel
ṬHB 30.
Doh is C
INPAKTLAK PATHIEN
"Ka nau, i lungril po po chu mi pe rawh,
I Lalpa Isu Krista i mi hmangai chun;
Ka lungril ang put tlak mi ni ve la,
I Lalpa'n a tuorna hi mi tuorpui ve rawh".
Chawimawi le inpaktlak Pathien hring chu i nih,
Harsatna le rinumna hmun min hmutir la khawm;
Hlimna hmunah mi thuoiin,
In tlansahai siet ding i phal nawh a,
Hmangainaa sip Pathien hring ngei chu i lo nih.
Lalpa, suola ka nun ka hmang lai khawmin,
I hmangai mit nauleng ngei chun i mi en a;
Ka suolna anga mi rul nuom nawtu,
I hmangaina ropui lawmin inpak ka tih.
Ringum loin Lalpa, ka lo zui che a,
An hawina hmuna chau hin ka lo thlang si che;
Ka suol tiem seng lo mi ngaidam la,
I rawngbawltu ringum di'n mi siemthar nawk rawh.
Damlai thlaler rinumna hmuna hin chu,
Lawmna kumhlun ding reng hi a lo um si nawh;
Sienkhawm Lalpa kuom ngei ka tlung pha chun,
Ka lungngaina mitthli lawmin inchang a tih.
