VAN KHAWPUI LUNGKHAM BANGNA
1. Khawvêl thina ram ni sien khawm,
Vân chu hringna ram a nih;
Khawvêl inţhena nisienkhawm,
Vân intuokkhâwmna a nih,
Ei ngai lungzûrhai ei ţhe a,
Fam ngaia lu ei sûn hin;
Vân khuo inhawi hang thlîr inla,
Lungkham bângna‘n hmang ei tih.
Nitin tlung thar an lo tuok a,
An lâwm ni tin a zuol pei;
Thi le inţhe an ţi ta nawh,
Lâwmna tâwp lo ding an chang.
2. Hmêlma nunrâwng thina lal hin,
Sûngtin ţap nau a mîn chan;
Inngaisie bîk um nâwm ei niu,
Tukhawm hlun sûng ei um nawh;
Pathien, hringna siemtu khawmin,
A naupa lu a sûn kha;
Sienkhawm, vân khuo a mîn tlun lem,
Ruolţha-ah ngai hlau ei tiu.
3. Ei nu, ei pa, ei ruol dithai,
Ei u, ei sang, ei unauhai;
Nupa khawm thina’n a ţhe hin,
Lungkham bângna ei invai;
Pathien nau thina hnetu le,
Thi muongtheina neitu chu;
Bêl inla kulpui hmangin,
Muong tâng ei ta, lâwm ei tih.