Ruol tha lal Isu ka nei hlimna thuruk neitu
Phuahtu: LALSANGAWI
ṬHB 54
Doh is D
1. Ruolţha Lal Isu ka nei,Hlimna thurûk neitu,
Khawvêl mi hai hmu phâklo hlimna;
Lungngaia ka thlamuongna, lungzînga kân nghatna,
Ruolţha Lal Isu a um ka lungngai si nawh.
Lâwmin inpâk ka che, ka Lal ka Sandamtu,
Nang anga mi hnêmtu khawvêlah an um nawh;
Suol le thlêmna kâr lai hin I hmêl mîn hmu tir la,
Lal Isu ka rochan hlu I ni si.
2. Suolna thlipui hung hrângin,
Nitin mi chîm sienkhawm, Krista a chun ka thla a muong si;
Ama chu kân humhimna, Kulpui nghet a ni si,
Ruoltha Lal Isu chau hi ka muongna a nih.
3. Hi hnuoi rinuma hin chu,
Ka thla a ngam thei nawh,
Suolna le thina ram a ni si;
Sienkhawm ka Lalpa kuomah,
Ka hang tlung ve pha chun,
Ka lungngaina mithli hi lâwmna’n inchang a tih.
