Sandamtu lengna zaion ram khi
Phuahtu: PASTOR V.T KAPPU
SANDAMTU LENGNA
1. Sandamtu lêngna Zaion ram khi,
Ka lung ân lêng ni’n ka thlîr a,
Lêng ka nuom ngei de aw;
Ka lungngaina khawvêl ram hi,
Kârlova boral ding a lo ni hi;
Ka Pa ram siem ka ngai.
2. Ka sandamtu nunnêm ka ngai ie,
A hmêl hmu lova ka um hin,
Ka thla ân vai hlak ie;
Khawvêl buoina râl ang a zuol,
Ka kuomah um zing sien ka Lal nunnêm,
Iengdi’m lungngai ka ta?
3. Khawvêl rinum tuorna kan rûm hi,
Ka Pa nunnêmin mi en sien,
Mi lunginsiet a tih;
Ti ka hriet ka thla a muong,
Nakie leh a ramah mi thuoi a ta;
Nau ang la’n nui de ning.
4. Khawvêl hin inriengin kân sieng,
Nisienlakhawm, lungngai ta naw ning,
Ka Pa Lal nunnêmin;
Ka lu hi mi hung hliekhu sien,
Khawvêl âr angin invai lang khawm,
I thisen hlu ka lâwm.
