Harsatna, buoina sumpui hung zing hlak sienkhawm
Phuahtu: RB Songate
Satu(te): DEBORAH LALNUNTHIENG

LALPA INPAK KA TIH

1. Harsatna, buoina sûmpui hung zîng hlak sienkhawm,
Ka lungngai naw ka Lalpa'n A mi chel zing si;
Ka lunginzîngna hai chu hnungsawn ta'ng ka ta,
Ka beidawng khêk râwl láwmna'n inchang a tih.

CHORUS :
Châwl lovin inpâk pei ka tih,
Hieng láwm láwma mi hmangaitu ka Lalpa;
Ka taksa, ka lungril le ka iengkim hai leh,
Zion hla remin Lalpa inpâk ka tih.

2. Suolna le thlêmna thlipui a hung hrâng mêk ie,
Châu le hrâtnaw takin Lalpa ka hung pan che;
Hrâtna hrim nei naw hai chu I sukhrât hlak a,
Hnêna hla sakin lâwm hla rem ta'ng ka tih.

3. Hi khawvêl tar nênetui khawpna ding zawngin,
Hlimna le lâwmna zawngin ka tlân vêl hlak a;
Sienkhawm lungngaina le beidawngna chau a nih,
Lal Isu chau hi lâwmna famkim a nih.

4. Hnuoi rinum ka'n zinna ram ka suoksan pha chun,
Ka Sandamtu hmêl ditum tak chu hmu'ng ka ta;
Chu huna chun ka lungngai mitthli hul a ta,
Hallelui! remin châwnbân vâwr ta'ng ka tih.


   Facebook      Twitter    :    Views(82)