Amen ti pei ding ka lo nih
Phuahtu: Vanramngai Ngente
Satu(te): Rosiemkim Riengsete
Tune & Harmonised : Lalliensang Inbuon.
Re-arranged : Joel Buhril
1. Ka khuolzinna hi hnuoi rinum rama hin,
Mitthli sûrin lungngai beidawngin ka'n rûm hlaka;
Sienkhawm chuong po po chu Lal hmêl hmûna an lo nih,
Aw harsatna, hung raw tiin ka ko nawk hlak.
CHORUS :
Amen, Amen! ti pei ding ka lo nih,
Inchâwk ruollo rohlu tak chu ka nei ve ta si;
Hlimna thurûk khawvêl mi hriet phâk lo neitu ka nih,
Halleluiah aw Halleluiah, Amen!
2. Ka hriet hmâ chun nuorna ding ka lo zawng hlak,
Piengtîra sâkhuo danga insieng lo ni ta lang;
Aw Lalpa, milim betu el chau lo ni'ng ka ta,
Ringtu ngeia insieng ka ni hi ka va lawm ngei!
3. Aw Lalpa, tûhin chu ka hrietchieng tah,
Krista Hmangaina leia hamțha ka ni zie chu;
Harsat beidawngna ha'n ka nun fie hlak hai sienkhawm,
Thi chenin zui pei ta'ng ka ti ka Lalpa chu.
