SANDAM KA NIH LALPA
1. Thlatu Adam bawsietna leiin,
Chatuona thi ding ka lo nih a;
Sienkhawm ka Lal Krista thina leiin,
Chatuona hringna kim chu ka lo nei tah.
CHORUS :
Halleluiah, aw Halleluiah,
Sandam ka ni Lalpa ka va lawm ngei;
Halleluiah, aw halleluiah,
Sandam ka ni Lalpa ka va lawm ngei.
2. Naupang hrâtnaw te chau ni lang khawm,
Lalpa Isu'n A mi hmangai ve;
Tukhawm thlierbik rêng hi A nei si nawh,
Pitar, putar, naupang khawm A mi hmangai.
3.Suol man chu thina ni sienla khawm,
Ka bat Isu'n a mi tlâk pêk tah;
Thi chu ṭiin ka thla a lungngai nawh,
Nakie leh Vânrama chun mi ṭhuoi a tih.
4. Ka suolna hai mi Sandam dingin,
Vân hnuoi lai hin tukhawm an um nawh;
Suolna neilo Lalpa Isu ngei chu,
Ka suolna chu Kross a chun a lâk hmang tah.