1. Hmangaitu Lalpa, I mi țhuoi dân hi,
Ka hnuoi hringnun hrietthiem phâk ngailo chu;
Hmun rinum le harsa ka ti hai,
I hmêl inlangna an lo ni si a;
Hmangaitu Lalpa.
2. Ka khuolzinna Lal lam ka hrâw dân hi,
Lal lam ni ding rêngin an mawi si nawh;
Chawimawi ka ni lai hmusitna haiin,
An mi bâwmin I hmêl an lang si a;
Hmangaitu Lalpa.
3. Saruok, tlâksamna lam ka hrâw laiin,
Beidawngin châuin inrûm hlak lang khawm;
Hlietu sûm kârah nisa var mawi ang,
I mi'n hmûtir si I hmêl ditum chu;
Hmangaitu Lalpa.
4. Tlasam taluo a I mi siem si chun,
Neilo leiin lo inru râwi ka ta;
Sum le pâi hausakna'n I mi vur chun,
I hmêl hlietu an ni ka'n lâu bawk si; Hmangaitu Lalpa.
5. A hi a nih ka țawngțaina hla chu,
Ka mamaw ang tak mal I mi sâwm hin;
Ka hringnun hi hrietthiemna'n inthuom la,
Ka chunga thil tlung I thu vawng nisien; Hmangaitu Lalpa.