Mihrang pasal Țha
Phuahtu: Pastor C. Lalthlunglien
1. Mihrâng pasalțha an liem pei,
Kul puotienga damlai fam lo changin;
Retheina puona inbela an hnuoi hunbi lo hmang liemhai,
An thisen a thlâwnin a far ngai nawh.
CHORUS :
An mawi ngei ie, aw an mawi ngei!
Thuthlung Martar changhai,
An sakruonghai kul puotienga;
Râwna vâwma chithla kan pieng,
Chu ngei chu a ni Lal maichâm ngei chu.
2. Thlân khêl sîngmitin ka thlîr a,
An va mawi ngei thisen kai puon silhai;
An piengsan le an damsan chu an dam thu hre lo hai kuomah,
An taksa thisen semdar hi a nih.
3. An chantâwka mawina ding le,
Sâwldamna ding hmunaw an ni bîk nawh;
Mawi thei lova siemtu le chun kâra ram âwl um ta lo di'n,
Hring zing siin damlai fam chang an lo nih.
4. A ziek khêlah a tak ngei chu,
Hringnun khêla nun indangna ram chu;
Fel tumna le țhat tumna hai tumna tinrêng kan vuiliem a,
Felna Lalpa ah kan intuokkhâwm tah.
