Ka thil tuokhai le ka chan ka ngaituo changin
Phuahtu: Lalronghak Joute
Satu(te): Quilyn Lalrovel Lung?au
HARASATNA LE BAWRSAWMNA
1. Ka thil tuokhai le ka chan ka ngaituo chângin,
Mihriem mihriemna chun hrietthiem a'n tak ngei el!
Lalpa mâksana um am ka'n ta? ka ti hlak,
I remruot dân hrethiem di'n mi țhangpui rawh.
CHORUS :
Harsatna le bawrsâwmna ka tuok laiin,
I hmangaina ka hriet zuol theina dinga;
I remruotna a ni si Lalpa,
Iengkima lâwmthu hril ding ka lo ni lem.
2. Hmangaina hrethiem lovin ka'n vâk hmang tah,
Sienkhawm I ta ka nih, I mi mâksan ngai nawh;
Ka ta dinga țha lo iengkhawm I thaw ngai nawh,
A hun taka râ insuo di'n mi siem rawh.
3. Lalpa chel tlat ka che ringna mâwl takin,
Beiseina inhnîngin mitthli tla hlak sienkhawm;
Nang chu ka'n hnêmna le ka iengkim I ni a,
Iengpo tuok ding ni lang khawm inpâk ka che.
