Lalpa ka ngai theina dingin
Phuahtu: Loicy Zonunmawi
Satu(te): Grace Famhoite
Tune: Solomon V. Hmar
THLAMUONGNA LALPA
1. LALPA ka ngai theina dingin,
Ka taksa chu lungngaiin an rim a;
LALPA chau thlamuongtu a nih ka hriet theina di'n,
Khawvêlin thlamuongna rêng an mi pêk nawh;
LALPA-a chau lungawina famkim ka hmu theina di'n,
Famkim lo ka ni zie hi a mi'n hmutir.
CHORUS:
A'n hawina chau zawngin hringnun ka lo hmang a,
Rinuma ka lo um khawm A lo phal a nih;
Misuol chu ka lo va ni ngei!
Suong ding hrim chu ka nei nawh,
A naupa Isu zâr chaua fel ah puong ka nih;
Aw Halleluiah!
2. LALPA țhatzie ka hrietna di'n,
Kei misuol ka ni hi a mi'n hriettir;
LALPA chau Sandamtu a nih ka hmu theina di'n,
Kei hi bawrsâwm takin hringnun ka hmang a;
Harsatna'n mi chîm buoiin, lungngai takin um lang khawm,
Sandamtu a ni zie chu a mi'n hmutir.
3. LALPA chau ka himna a nih,
Amaa chau kan hnêm theina dingin;
Khawvêla kan hnêmna hai po A mi țhiekpêk a,
Ka țhatna dingin iengkim A mi thawpêk;
A țha chau ka lo dit a, a țha lo thilhai khawm chu;
A lo țha vawng ie LALPA nangma le chun.
