Tlinna reng neilo hi a felna'n a mi'n thuom a
Phuahtu: Rev. Jacob L. Hmar
Satu(te): Gracy Lalthakim Khawbung
Tune & Harmonize: Rev. Lalnithang Hmar
KA THLANG CHE LAL ISU
1. Tlinna rêng neilo hi A felna'n a mi'n thuom a,
A sandamna a mi pêk ka lâwm ie;
A ropuina chenin A mi'n hlân el hi,
A mak ngei, ka LALPA hmangaina.
CHORUS:
Ka thlang che aw Lal Isu,
Hnuoi hausakna le ropuina nêkin;
Nang zui pei ka ti che thil dang po nêkin,
Ka lâwmna tak chu nang hi I lo nih.
2. Ka hmu le hriet ha'n ka hringnun sukbuoitu di'n,
Nitin an mi fiel nangma hlat dingin;
Thil dang po nêk khawmin ka thlang ka Lal Isu;
Ieng dang nêkin kei di'n a hlu lem.
3. Tam takin an hnawt hlak khawvêl mawina lâwmna,
A neituhai khawmin an nei sawng nawh;
Lal Isu nei hi ka lâwmna tak a nih,
Beisei tlat ka tih Lal Krista chau
4. Tlâksam lai khawm hnuoi lâwmnaha'n mi țînsanin,
Hlawsamna, rinumna le harsatna;
Hung zuol hlak sienkhawm hrâtna thar mi pein,
I rawngbâwlna mi'n châwltir naw rawh.
5. Thlarau châwlna dit tâwk um lona rama hin,
Hringnun châwl hadamna deihlim a vâng;
Chatuon châwlna Krista nang ka'n hnêmna I nih,
Bêl tlat ka ti che ka damsûngin.
