Ka lal lam mi ruotpek hi lamtluong le inhawi an nawh
Phuahtu: Talitha Lalrinliani
Satu(te): Elvis Rochuoilo Lungtau
KAN HLUO LAL RAM
1. Ka Lal lam mi ruotpêk hi lamtluong le inhawi an nawh,
Ka râwllai nun hun hlua țapin inrûmin;
Hmangaitu kut chau nghâkin hmun rinum le țium ah,
Mi huoisen pasalțhahai tluonglam maw ka lo hraw lem.
CHORUS :
Kan hluo Lal ram mawi ram rê a nih,
Chi le kuong le lenruolhai țînsanna ram a nih;
Sûngrilin inrûmin luoithli far hlak sienkhawm,
Ka Lalpa hmangai ângsûnga pawmin a mi'n châwltir.
2. A chângin țapin inrûmin ka râwllai hringnun hlu hi,
Natna laikhuma luoithli nûlna'n ka hmang;
Krista zâra Vân chena hamțhatna ka neina di'n,
Ka sakruong hi râwhmang maichâma inhlân a țûl si.
3. Ka Lalpa'n a zawngsuok ram hring țînsan ramah chêngin,
A robâwm ințâwmpuiin nei nei lovin;
Iengkim neiin ka nun hi Vân hmunah a mi țhuoi a,
Vân nun hluona hre dingin hnuoi rinum a mi'n hrawtir.
4. Ka hringnun lam rinum hi tu'n am mi'n hnar vêng an ta?
Sienkhawm aw ka nun thurûk Krista a chun,
Ka sûngril a dam a nih Vân hawltlang nun ka nei hi;
Rohlu tak kawltu ka lo nih, Amen Halleluiah!
