Ka khuolzinna hringnun tluong lampui hi
Phuahtu: Hrangneikim
Satu(te): Tlangmawikim Joute

LALPA NANG CHAUIN I MI THUOI

1. Ka khuolzinna hringnun tluong lampui hi,
Hringnun dânin hrietthiem an tak ngei ie;
Sienkhawm I remruotna tinrêng ka ngaituoin,
Hmangaina in I mi enkawl a ni
Ti ka lo hriet suok tah.

CHORUS:
Thlalêr ram ruok inrûm vung vung a hin,
Lalpa nang chauin I mi țhuoi;
Ka vêla um ngha in I mi enkawl a,
Thlamuongin chawilai nau angin;
I țânga hin kan bei vawng vawng.

2. Lalpa I hmangaina ka hriet suok tah,
Harsatna thlalêr ram ka hrâw lai hin;
Nisienlakhawm ram danghai pathien ni lovin,
Lalpa nang chauin I mi țhuoi hlak a
Ka thla a muong a nih.

3. Hringnun dit dân ramri khang thei an nawh,
Rochan dingin I mi lo thlang ta si;
Lalpa nang chau hi ka chanvo I ni si a,
Lalpa nang chau hi ka ta dingin
Rochanhlu I lo nih.

4. Thlalêr ram fêthleng lo ringtu nun hi,
A tak changin fâk a tling thei si naw;
Mihai ta dinga malsawmna hnâr ni ding chun,
Thlalêr ram țâwla tui hring vadunghai
Cho suok a lo țûl si.


   Facebook      Twitter    :    Views(82)