Khawvêl mi tinrêngin sandamtu ding an zawng
Phuahtu: Pastor Solomon Biete
Satu(te): Rosangkim

SANDAMTU

1. Khawvêl mi tinrêngin Sandamtu ding an zawng,
Mi thiem mi var khawmin chungtieng hnuoitieng an zawng;
Krista Kraws entuha'n damna an chang an lâwm,
"Halleluiah" tiin Ama inpâk ei tih.

CHORUS :
Krista chu Sandamtu ama chu kan nghatna,
Ama chu ka hlimna ka lâwmna tak a nih;
Krista chu ka muongna ama chu ka felna,
Țit ding hrim ka ni naw mi vêngtu a ni si.

2. Krista ka ring leiin harsatna tuok lang khawm,
Rinumna hung zuolin phên ding nei naw lang khawm;
Ka ta dinga tuortu Krista ka nei leiin,
Ieng am lungzîng ka ta? Ka kulpui a ni si.

3. Ruolin mi nuisanin khawvêl hlimna lâwmna'n,
Mi țînsanhai sienkhawm Krista ka ring leiin;
Ama chu bêl ka ta ama chu suong ka tih,
Thlathlam phal ta naw ning kan nghatna a ni si.


   Facebook      Twitter    :    Views(126)