Ka hadamna le ka muongna Isu
Phuahtu: Jennifer L. Varte
Satu(te): Janeth L. Varte
David L. Zote
KA MUONGNA ISU
1. Ka hadamna le ka muongna Isu,
Thil iengkim chunga thuneitu;
Lungngai thlaphâng lai khawma mi hnêmtu mi sukhlimtu;
Ka nei che hi ka lâwm a nih.
CHORUS:
Isu nang naw chu muongna ding rêng a um naw,
Nang chau I nih ka muongna ka hlimna thurûk;
Khawvêl mihaiin an hriet phâknaw lâwmna thurûk,
Lal Isu ka nei che hi.
2. Beidawngna lungngaina ka tuokhai hi,
Lâwmna ding vawng an lo ni lem;
Khawvêlin a pêk theilo chatuona hlimna thurûk,
Changtu ka nih Krista zârin.
3. Aw Lalpa nang chu ka kulbîng insâng,
Ka phâw le ka'n nghatna I nih;
Beidawng mangang châng khawma mi țhangpui vattu hnai zing,
Ka nei che hi ka lâwm a nih.
