Hi khawvel parmawina hai chenin hringnun hi kan hmang vel a
Phuahtu: Vanlalsang Songate
Satu(te): Lalvarzing
LALPA KONA
1. Hi khawvêl pârmawina hai chênin hringnun hi kan hmang vêl a,
I mi kona râwl chu Lalpa kan haider hlak a;
Hlimna a kan ngai hai chu chatuon thina an lo ni si,
Jona Kona chu ṭâwmpuitu bohmang kan lo ni tah.
CHORUS:
Jona tho raw Lalpa-in a ko che i dawn naw di'm a nih?
Lalpa chu hnungsawnin Tarsis i pan ding maw!
Hmangaina râwl hi a la tâwp ngei ding a nih,
Tho la aw nang ringtu Lalpa chu dawn raw le.
2. Taksa thil le tisa nuomzâwng hai chun kan nun a fangsuok a,
Mani ditthlangna-in Lalpa I rawng kan bawl hlak;
Hre a kan inngaina hai chu I lampui a lo ni si naw,
I mi kona chu innghilin kan invâkhmang zo tah.
3. A lo ni ie Lalpa Pathien misuol kan ni I hriet si a,
Duâmna leiin I kona kan lo hriet ngai naw;
Thlipui le ruo hai chun I thu an awi an inpâk nghawk naw che,
Thisena intlan I nauhai kan inhmangzo mêk ie.
4. Lalpa I hmangaina inthûk tak chun I mi hung zawngsuok a,
Kan tirdakumna chu I mi sâwpfaipêk ta a;
David bâwkte indin nâwkin hnuoi le Vân inkâr lo um chu,
Thaibo pêk kan lo ni ta ie, Halleluiah Amen!!
