KA LAWM A NIH LALPA
1. Aw Lalpa I remruot dân ka hang ngaituo hin,
Mihriemna hin chu aw suisuok ruol ding an naw;
Kei misuol tlâktlai lo I rawngbawl dinga,
I mi la dit el hi Lalpa ka lawm a nih.
CHORUS:
Lalpa I hmangaina a lo va'n thûk ngei,
Khawvêl mihriemin mi hnâwl hai sienkhawm;
Nang chun mi hnâwl lovin I mi chel zing si,
Ka lawm a nih Lalpa ka lawm a nih.
2. Aw Lalpa I hmangaina ka hang ngaituo in,
A ropuiin a mak nuor thei ding ka ni nawh;
Mihai hrilsiet le nêksâwrin um lang khawm,
Hmangaina chi tinrêngin I mi hmangai si.
3. Pa neilo hai an Pa le nu neilo hai Nu,
Hmeithai hai Pathien I va hei tling zo ngei;
I chunga hin nuorna ding rêng a um nawh,
Lalpa ka lawm a nih I mi hmangai leiin.
4. Vângduoina le harsatna hai hi ka ta di'n,
Thlarau bu mi petu an lo ni lem si a;
Khawvêl sum le puon le hausakna hai hin,
Hlimna an mi pêk thei naw Lalpa chau naw chun.