KA PA RAWL A NIH

Ka siengna lal thisen a'n thawk a nih,

Tisa mi lalnau dinga min thlan suok tu,

A rochan hai chang ve dinga mi thlangtu,

Iengkim siemtu le Lalhai Lal a nih,

Ban kawkal malsawmna changtu ka lo nih.

Varal tieng sawn kona rawl ka hriet,

Ka pa rawl a nih,

Nau tak ka lo nih,

A rohlu tu ding,

A ma angsungah muongten chawlin,

Ka thla a muong a nih.

Chung Jerusalem nu hriet chiengna di'n,

Ka chawl damna ka chunnu a mi lak pek,

Chung tienga ka pa, ka hriet chieng theina di'n,

Kannghalna ka pa nghatsanin ka um,

A ma chau kan nghat na ni di'n a lo rel.

Fahra nina lam thuom min hraw tirin,

Kal chawi dan ka thiem hmain a min chuktir,

Tuorselna din khurah thlakin ka um a,

Huoisenna di'n mal a maksan ka nih,

Ka thatna di'n iengkim a lo rel a nih.

Ka hmu hmaa a rawng ka lo bawl hlak,

Ka pa vana mi hmu kar ka nghak hla ngei,

Nakie pafa in hmu hun la um a ta,

A chun a tanga muangte'n chawl damin,

Ka thlasietna thusim hai lan zawt ka tih.

Words: Ramnunsiem Tune: LZ Hmar