Aw toupa tungnung pen
Phuahtu: Upa Thanga
Doh is Bb.
Aw Toupa tungnungpen, lambang hon pak ung,
Pathian hing leh bangkim hihthei Nang na hi;
Nuaisiahte, tengkhawi, liangvai, giloute’ Lawm,
Sanggah, gentheite teng’ Toupa leh Pathian.
Thumnate dawngpa Pathian na hih jiakin,
Na mite’n taksap hon nget uh Na pe jel;
Na tate’ kah leh mau Nang na ngaikhe jel,
Thudik gum, na hoih sem, Na pampaih kei hi.
Na thu hoih mijawng leh haute zasak in,
Midang Nang hon doute’n zong zata uhen;
Tu-a hotdama ka om samna ding un,
Bang a hiam ka hih ding, chi uh hen, Amen.
Nam chih mial paisan, leh sal suak kipak hen,
Tungnungpen ah Pathian thupipen hen aw;
A kipahpih leimite lak’ lem leng hen,
Hosana, Hosana, chi-in sa uh hen.
Huan, namchih kiang ah Na min zahtak huai hen,
Na gam thupitak-in hong tung jel hen aw;
Van-a mi’n a hih bang-un leia mite’n,
Na deihlam hih henla, gam chih ah, Amen.
