1.Tlâhpi chô ta noh lynô chhipa khi sai tua,
Zâlâ ta a tla heih tyh;
Râh lia pawchhapi zô lei pawpi ngiapazy,
Uah ta ama vaw lo tyh;
BEIPA na ryhraopa noh nah daihti lia cha,
Ahy hmah khôkhâh ma pi;
He chhaolei manôhzy eima thi noh tlô khia,
A râsai thei y ma pi.
Chorus:
Eima khoh ma, khoh lei ma,
Ei kha thi eimâ tyh aw;
Pasaih ta pasaih vei si,
Chhaihna noh a chhi thlyu aw;
Hneirôhpa pathlua vei a sohpa chhao thi aw,
A noh nah daihti tlô khiah;
Kô 70 tawhta kô 80 taih dei,
Lei lia khitlypa châ pi.
2.BEIPA na daihti taipa a tlô noh lia cha,
Pasa thi a tao mâh lei;
Thina lytlâh khô ei lei hro sihnôh chhy ta,
Ama hrona paw hawh zô,
Thokha vâ zawtheipa tawh nah balyh tla yna tawh chôta zy thi ei;
Tanoh mylâ khâpa hmo eimâ tyh aw,
Pahnopa y tlôh aw.
3.O nah lyu phapa nah hmophapa to hnei pi,
Châsa rei a daih tlôh va;
Eima khoh chaipazy lô o a tâhsai pi,
Thina vâzy a chhaih pi;
Thokhazy cha bei nah biehneituh duahmo lia,
Sôkha cha yhra ei ta rei a daih heih tlôh va;
Hnôlâ chhâ heih tyh ei lôh ki leina râh chhaolei.
4.Chhiesana râh khizaw lia eima châh chhôh he,
Pasa rietheinazy ta;
Chhôh to miah chanaoh ta thina mâchhie sa pi,
Pachârôh meihdo miah khu;
Tanoh nôvah lôh miakha ta akao haipa,
Mylâ achhaihpa hluhpi;
Tanoh ta unawhzy mylâ dei thina vâ,
Eimâ vaw chhaih ha heih tyh.
5.BEIPA âvyna bietaih âhnia ha vâta,
Amâ chiehpa ta hâ su;
Eima palôh mei-ôh tizy ryh khaipa ta,
Khizaw hro hnôhchhy sih la;
Parutuhpa hawh â vy hlâ nah,
Ngiachhiena ochhi a khaw hlâ heta;
Molei thina tiahtuh eima thlahpa hro na,
Bei Zisu pangai suh vy.