1. Ka nuntakna hun mualliamsa te gel ing,
Toupa n'on pi dan thupi hi na e;
Hoihna khatzong ken neilou hi na pi in,
Na zahna in hichiang ka tung hi.
Ch.
Pitu muanhuai laukhasiangthou,
Ka hinna in mubang hon ngai;
Nang toh ton a pheiphung suankhawm di'n,
Ka ma pi tu hi gige'n aw.
2. Hinkhua haksat mangbatna'n hon bawm chiang in,
Lungsim tongkhong lungngai in omzel ing;
Nang lou lungsung muanna a omtheilou e,
Toupa aw ka zanmial khua hong vak pih in.
3. Phamsa it leh ngaihte lenna don zel ing,
Lunglawp lua'ng tua gam ka tun hun ding;
Khemna omlou taksap teng a kimna mun,
Bukimlouhna khovel ngai nawnkei ning.