Vawiin ka buaina hian kumkhua a daih dawn lo
Phuahtu: Jonathan Lianhna
Satu(te): Jonathan Lianhna
Doh is A♭

NUN TOBUL

Vawiin ka buaina hian kumkhua a daih dawn lo,
Ni thar a lo chhuak a, hunin her liampui thin;
Hnah hlui an til zo va, hnah thar lo chawr ang hian,
Hringnun pawh hian rahbi thar a kai leh thin.

Ka nun ṭobul i ni, Lalpa i ta ka ni,
Hma lam hun thlir thiam lo, thlir thui thei lo ta chu;
Eng nge min hmuak, tun kan hre phak si lo,
Ka tun hun leh hma hun pawh Lalpa nangin nei rawh.

Zartin tliak tawh mah hian, ṭhan reng a thulh lova,
Chawmtu ringa nungin, parmawi chawi leh theih chuan;
Duh taka siamtu duan, A lunglai luahtu hi,
Lalpan min chawm, ka than ṭhulh a phal si lo.

Vanglai a ral ang a, hai ang ka la tar ang,
Chakna a chuai ang a, fam khua ka hnaih hun paw'n;
Ka buaipui ṭhin Isuan, min chelh reng dawn ka hria,
Hei hi a ni, nun thuruk, chatuan daih chu.


He hla hi 6 December,2022 a Lalpa min pek a ni a, ka nuna ka hun tawn kaltlanga Lalpa min pek a ni a, ka testimony atan chauha Lalpa min pek a ni lova, ngaithlatu zawng zawngte tan Lalpa’n keimah kaltlanga a pek che u niin ka hria, chuvangin sa ve duh kan lo awm anih chuan kei min dil a ngai lova, Lalpa ropui nan a duh apiangin lo sa ve rawh se.. Lalpa a ropui chuan a tawk mai e.. 

Mihring kan nih chhung hian buaina hrang hrang kan neia, kan hmachhawn a ?ul fova, ?hang thei tawh reng renglo, hmasawn zawnga kal theilo anga in ngaih chang a awm fo thin, mahse Lalpa hian min chawm renga, a hmangaih hi kan ?han ?hulh mai a phal lo. 

Kan vanglai chakna te hi nakinah chuan a la chuai anga, thih sual hiala kan awm hunte pawh a lo la thleng ang, mahse chutah tak chuan vawiina kan buaipui ber hian thlamuanna min pe angem? 
Isua buapui hi chatuan daih, nun thuruk, thih dawn thlenga thlamuanna min pe theitu a ni tih a fiah dawn chauh a ni.. 

Vawiina hlim taka kan awmpui rengte pawh ni thar a lo her chhuah meuh chuan an thih thu te kan hre leh dawt a, kan hmalam hun pawh thlir thiam theilo, engin nge min hmuak pawh hre lawk theilo mihringte kan nih miau avangin kan tun hun leh hma hun Lalpa kuta dah a ‘Lalpa nangin nei rawh’ tih mai hi a van pawimawh êm. 

-Jonathan Lianhna Youtube Channel ama comment a?anga lak a ni.
   Facebook      Twitter    :    Views(4293)