Phuahtu : Laltanpuia

Aw, nang kan Zoram min hruaitu rinawm chuan,

Buaina leh lungngaihna karah huai takin;

Kan ram leh hnam tan zalenna rawn thlen la,

Tuna i hming thatna hi kumkhuain a dai tawh lo'ng.

Aw, hmanhmawh la, aw, kan nghakhlel,

Sappui lian leh thlang kawr vai;

Zaleng lungrualin kan ngai lo'ng

Engtikah nge kan chan ve ang?

Kan zalenna, Independent,

Independent, kan Zoram tan.

Kan fing kan var ta, kan thiam a sang zel,

Kan dan mawi tlawmngaihna hi chhawm zelin

Rinawm leh huai takin hma lam i pan zel ang,

Thlang kawrvai dan thim hnuaia kan hnam a boral hma hian.

Kan tum, kan beisei, kan chakna zawng zawng nen,

Kan pen, kan kal lui tawh dawn tuilian angin,

Kan hnam leh ram tan thisen chhuahna kan hlau lo

Mahse kan himna chugn Pathian hnenah i dil fo zawk ang.

Aw, Israel hruaitu, ropui Lalpa chuan,

Hekna leh sawichhiatna karah huai takin,

Aw, chakna thar chuan MNF hi min thuam la,

Khawvel hnam ze tinrengten i hming hi an chawimawi theih nan.