(tune- Awmkhua a harin tlang ka chuan)

Phuahtu : Laltanpuia

Fam ngaite ne nau ang kan tahna

Khawthal romei zamin tlang a bawm

Kei chu ka phu lohpui zunleng ngaiin

Ka la fam awm e

Aw, i vul lai zunleng dai te'n ka tuar thiam lo

Ka han thlir chung si-ar leng a hmun

Run hmunah parte

Len a rem lo'm ni?

Murva iang tual lenmawi lungrunpui

Kan cho rual i awm lo valriangan

Kumtluang ka thai turin dawntuai parte

Aw, i piang ve lo

Dar ang kan len za a rem lo'm ni?

Tawnmang rauthlaleng kan run a hmun

Mahse hai ang thangin pawm lai mi u

Ka lo then leh thin

Khawtlang run tin pawh chhiar chhuak ila

Ar ang vaihpui reng an awm lo

Di lo ngai, tlang tin romei kai hnuaiah

Val ka tlei thei lo

Thapui i tawnah suihlung len zawng

A lo zing thuam ang ka do zo lo

Khuarei suihlunglen dawn kir chang ni hian

Val ka tlei thei lo

Ka tir che awmhar huivate

An tuanna tlang thing lenbuang zarah

Kei mi tum lo leng tawnah hril ang che

Aw, ka lunglen hi.