Mara leilo a vaw dua no tawh
Satu(te): John Beizachhi Phuto
MARA LEI AWHSI
Mara leilô â vaw dua no tawh,
BEIPA na ku thatlôna ta miah chhôhkhâh chi;
Miah dyuhtupa hluhpi hry ta,
Eima chi nah pho he âboh n’awpa ta;
Mara leilô saw hry tawhtapa,
Chhituh awpazy maniah pie chi.
Maraland kyhpachâ tuhpazy,
Nama hniehnôh lâkyh he a rôhnah kaw diah;
Chariah sahrâh mohrâh pazy nah,
Thlihpi nah vâsua tilaipizy chhaota;
Pakhâ vei, hnôh asy beih veih ei,
Hro a hlâ khai ei, eima râh châ.
Mara lei awhsizy chhituh rôhnah pazy saih u,
Nama hniehnôh cha ângia tlai na;
Nama hria pasana mathlai ti hawh a lonazy,
My aw mapi Mara lei awhsizy.
Marasaw thyutlia zydua saih u,
Pasaipha hmia lâ sie pazy hnôh zipa ta;
Tahmâ thlai thyu t’u, a hawh hlâta,
Na ryusôhpa na râh, na tusaw zy ta;
Kyhpachâtuh hmeiseih a ngiah ei,
Âmo pachh’awpa ta hria bâ su.
Mara lei awhsizy chhituh rôhnah pazy saih u,
Nama hniehnôh cha ângia tlai na;
Nama hria pasana mathlai ti hawh a lonazy,
My aw mapi Mara lei awhsizy.
(My aw mapi, Mara Lei Awhsizy)
