Zatlang lawi ang
Phuahtu : Laltanpuia
Zatlang lawi ang sakhming khuavel a thang tur hi
Chham ang zal reng ila rianghlei ka chan tawk;
Kei ka tan zawng nang ngaih lunglen a zual bik e,
Tangah min vuan a maw, nau ang nuih zai ka rel thei lo.
Chung siar leng mah khian
Tuai duh lawmlai a then ngai lo;
Piallei khar chhung thim hnuaiah
I zal ta em ni, aw ka tuaite?
Minung damten kan intawh leh hma zawng,
Thlafam rihsang mual liam lovin
I lo dam tawn ang aw.
Ka hawi ngam lo miten duhleng par mawi an lawm
Aw, khawnge maw ka lawmna leh ka dam chhan?
Lungrual lai ni thlang lenkawlkung a her liam a,
Aw, ka tan Khuanuleng, tuai duh lawm lai i phal lo maw?
Luaithli nul chung zawngin laitual ka leng thiam lo
Ngaiin au zel ila kawl eng leh tur hian;
Engtin rawn din thar leh ang maw a riang tan hian,
Nghah ka nuam thal tui ang lungdam nan kawl a eng mahna.
Hla thu leh phuahtu-ah te hian dik lo a awm a nih chuan siamthat theih a ni a. Siam tha tur erawh chuan Mizolyrics.com-ah hian in register phawt a ngai thung.
Youtube Link leh MP3 bakah he hlasa ve tu dang zaithiam hming dah luh belh theih a ni bawk.
Hla thu, phuahtu emaw thil dang dik lo a awm a nih chuan a hnuaiah hian ziakin min rawn hrilh dawn nia
Hla Thu hi a dik lo a awm a nih chuan siamtha la
Editor leh Admin chauhin Hla thu hi an tidanglam thei.
