(Tune Nitin ka hnenah awm reng ang che Lalpa)

Phuahtu : Laltanpuia

Turnipui leh thal - favang lo thleng tur hi

Kei zawng senlai nau ang ka tahna

Thapui, nang ngai reng renga khua romeiah

Ka zam na'ng e, i tuanna tlang bawm a'n.

Aw, i zun ngai hian fam mah ila,

Ka luah zo chuang lo'ng che annemte,

I zunleng zamah hian ka uai thlawn e.

Chhimtlangpui chun chawi val ka riang chuang mang e.

Hmanah lungrunpui, hmela indi tawh hnu

Karah then loh biahthu sawi hmain,

A tha val dang luah laia hrai i chawi chuan,

Kumtluangin Parte, ka tuar nem thei lo vang.

Chungtura-ni, chhawthlapui, si-ar zawng khian

Thlangkhuan an dim lo thangvan zawla'n

I lungduh val tawna zamual liam turin,

Eng karin nge uan anga min lo ban le?

Chhaktiangah Rihtlang bawm hawilopar iangin,

Chhimtlang vanhnuai hril kan vangkhua-ah

Hmartlang khua selin i lo par ainawni

A pawi ber chu mi tawna i hlui tur hi.

Valriang tah nan vangkhawpui a zau thlawn e,

Min tum lo leng ngaih lai a na e;

Aitenawnpar lungrun ka tanglai vuantu,

Tawn loh kar ni-chhun, chawhma a rei vawng vawng.