Phuahtu : Laltanpuia

Awmkhawhar suihlunglen hi puan ang ka bang dawn lo,

Ka tap thin hnutiang ngaiin;

Ka rawn zawng che annem mi u,

Zai leh anka dang lo se hril ka nuam e.

Thuva awmhar nang nen hian suihlung kan rual ngei ang.

Awmkhawhar duhthuleng ai ang ka sam hi,

A tak chang se di nen suihlung kan rual ngei ang

Vawi khat tal nghilh loh biahthudi min tiam la,

Awmkhawhar suihlunglen hi puan ang ka bang tawh ang.

Turnipui lenkawl a lo leng leh zaleng lawmah

Thing tin par an lo vul leh;

Chung berhvaleng thinlai hnemah

Hril ka hai suihlung ka vai chhimhlei tualah,

Lung ka hang nang ngaih vangin tlangrel ka hmachhuan e.

Engtikah phu loh lungdi leng ngaih hi bang ang maw?

Fur khawthiang lenkawl eng leh

Thal khaw-romei zam karah hian

Dawn a tam thinlai lungruk, chhawthla engaH

Hril ka nuam suihlunglen hi mi u-te leng tawnah.

Kumtluang hrui ang a la sei tur hi ka ngaingam lo

Thlang khuandimin ainawnpar

Khiangawi zamual i liam tur hi

Kei chu mahriakte'n ka vai i zun ngaiin

Aw, kan nun hlui thlang tahpuan anga chul tur hi.