Phuahtu : Laltanpuia

Thal favang turnipui kawl a eng ruai mai

Thinlai damten rualduh tualah an leng e;

Tuar rual loh vanpui ka tan a chim

Ka dam chhan ka luah zo lo

Ka tanglai vuantu tha sensiari

Aw ka dawn sei ngam lo,

Tah nan maw ka lo tawn che annemte,

Chhun khawhar leh tlaitla eng ruai leh,

Chhawrthla zankal si-ar eng ruai

Hnuaiah hian ka ngai zual che.

Hmangaih 'K' enchimlohte, ka ngai em che,

Nghilh loh par zunchhawl min ban ka tanglaiah,

Thlang khuandimin mual chu liam lo la,

Senhri par iang ka tan vul i rel lo'ng maw?

'L' ka lungdam nan.

Duhthu ai ang samin chan ka nuam ngei e,

Tlangza awmhar lungkaui lelte nun iangin

Tlang liai luaiah, tuanna mual ralah

Au ila hmangaih 'L' hniangi lawm,

'K' enchim loh lung her nan.

Ngai lo ang hian suihlung her ka zuam lul lo,

Phu loh leng nghah khua tlai tur ka dawn changin

Awmhar nau nag tha a tul leh thin

Hmangaih zunleng hi rairah ka tan

Hmelma ber a lo ni e.