Nang chauh lo chu
Phuahtu : Laltanpuia
Thalfavang lelthang kiu leh,
Thal khaw romei zam tur hian
Awmhar suihlung min len lawk thinlaiah
Tinkim ka bang thei dawn nem maw,
Tinlaiah Parte, i biahnem
Leh i sakhmel a cham reng.
Luah takah Parte sul ang
Min tum lo ka hai lo che
Tlangza relthang ka dawn zo ve si lo;
Duhleng tawna thlang-khuandimin
Kumtluangin Parte, i zunleng
Leh i sakhming ka nghilh lo'ng.
Tlangza relthang thuam lai-
Ah do ka zuam lo lungrunpui
Mat leh Rialtui ang kan inthen ni chuan;
Tuahrem biahthudi kim te'n hril
Dun i, Parte run nuamah
Nang lo chu lungkham ka dawn lung
Rukah duhleng an piang lo.
Kei chu awmhar nau ang tah-
Lai ka bang thei dawn nem maw,
Mahten ar ang ka vai chhimhlei tualah;
Lunglen vanga fam dairial chang
Tura khuanun min siam le,
Ka tawnah lunglen khawzo chhum
Ang kian ni a awm dawn lo.
Hla thu leh phuahtu-ah te hian dik lo a awm a nih chuan siamthat theih a ni a. Siam tha tur erawh chuan Mizolyrics.com-ah hian in register phawt a ngai thung.
Youtube Link leh MP3 bakah he hlasa ve tu dang zaithiam hming dah luh belh theih a ni bawk.
Hla thu, phuahtu emaw thil dang dik lo a awm a nih chuan a hnuaiah hian ziakin min rawn hrilh dawn nia
Hla Thu hi a dik lo a awm a nih chuan siamtha la
Editor leh Admin chauhin Hla thu hi an tidanglam thei.
