Khuarei tinkim ka dawn changin

Phuahtu : Laltanpuia


Khuarei tinkim ka dawn changin ka ngai em che ainawnpari

Uai hning-hniangte, i duhleng tawnah tawn par ang chul ta la;

Nghilh ni awm maw fam ka chan hma chuan

Lenmawi bawngvate ang tha sensiari


I rauthla sakhmel chul lote'n 

Ai ang a cham reng ka thinlaiah

No nghil nghial chhawrthla chung si-ar hnuaiah,

I zunleng hi zai tin remin kan awi.


Ka phu loh leh ka cho rual loh thiam dawi ang min dawm ve la,

Tu lenna vangkhawpui par mah hi run lumah ka hual si lo;

Ka tap chun chawi loh a riangte hian,

Lunglenah khawtlangpui zaleng ka pel.


Khuarei leh kum sang ral mah se,

Van hnuai mi hril awmkhawhar lunglen;

Tuan khuarei ata thang leh thar thlengn,

Tah nan an la hmang ve ang lunglen hi.


Turnipui thal romei chhum leh tuah-vauten khawtlang an bawm,

Han thlir ila hnutiang mual liam leh piallei kara tham tawh hnu;

Tuar har tawnmang mawl an chang zo ta,

Chung khuanun ka tan hian a ral zo tawh.


Kumsul lam ang her zel mah se,

Awmhar suihlung reng ka her thiam lo

Chhun ni reng a tam zan a rel seng lo,

Enchim loh tha sensiari leng awihna.

   Facebook      Twitter    :    Views(4319)