Kei zawng ka tlei thei dawn lo
Phuahtu : Laltanpuia
Aw, ka lungduh, aw ka lungdi
Nangin min tuarpui si lo
Ka suihlunglenzia ka hrilhin
Sang bikin ka ring nem maw.
Aw, ka lungduh, aw ka lungdi,
I hnenah min hruai ve la;
Nang i tel loh chuan nau angin
Kei zawng ka tlei thei dawn lo.
Ka lungdi thahniangi khanin,
Min la ngai ve tak ang maw?
Tap ruaiin banah ka vuan a
Ka lungdi ka then ni chuan.
Chawnpui par angin i vul e,
Kei chuan ka then thei lo'ng che;
Nangmah ka then phawt che chuanin,
Ka tan hremhmun ang a ni.
Hmanah khanin khawnge i awm?
Aw, mi u ka tawng lo che.
Tunah erawh ka tawng ta che.
Ka suihlunglen zualna tur.
