Phuahtu : Laltanpuia

Kar a hla parte, ngaihlai i zual leh thin

Ngai lo ang hian thlangtlai zamual ka liam ta'ng e

Aw ka lungdi par ang lawm leh ni awm tak ang maw

Ti hian ka dawn, awmkhawhar suihlung a leng em mai.

Aw, kumtluang sei mah sela,

Khiang min awihsan lo vang che,

I sakhmel leh biahthu thinlaia cham reng hi,

Kum sul vei se par ang hian ka lawm leh ang.

Rial a rum Parte, ka chung khua a lo ri,

Ka ngai zual thin nun hlui zamualpui liam tahw hnu,

Di inthen hnu si-ar mah lungrual te'n an leng hmun,

Tawh leh nan kar a hla ka thinlai a dam thei lo.

Zan khua a lo tlai bawh arin mi tho thin,

Kei chu run hmun lova zal lai ka rel ta'ng e;

Kar a hla tawnmang mawlah suihlung rual mah ila,

Tah nan zunleng a chang thin bawihte, i rauthla hi.

Dam takin Parte, zamual ka liam ta'ng e,

Kan sul-i-hnu khuarei tawnmang an  chang zo ta;

Thalfavang lelthang kiu leh chung vanrial rum changin,

I thinlai dawn lungrukah bawihte, mi vei ve rawh.

Engtikah dar ang intawng leh ang i maw, 

Chung khuanu hual zelin dam te'n i leng dun ang

Khiangawi zamual liam turin leng dang lo kai mah se,

Min lo nghak la Parte, i zun ngaia uai reng hi.

Sial khawpui tleitir zaleng zingah hian

Ka thlang ber che, kumtluang run lum nuthai turin;

A chhingzo reng an awm lo, ka di Zolenmawii

Chawi lai thlang tahpuan ang hian bawihte, i hlui si lo.