Ka nu, ka tanglaiah min vuan
Phuahtu : Laltanpuia
Ka nu ka tanglaiah min vuan,
Val ka uai dawntuai zuanah;
Phu loh lungdi, luah rual si loh,
Bahsam ang ka then tur hi.
Ka ngaih parte, awmhar ni hian,
Hmana lungruala kan tuanna,
Lenthiam huivate chang ila;
Fan ruai ruai ka nuam mang e.
Khawzo lentu a zing hnuaiah,
Lungrualten zarva an leng;
Riakmaw valeng thing tin dil nen,
Ka vaih khua a sei tur hi.
Lem ang der thiam sakhmel chul lo,
Siang kan lawina run hmun se,
Hal lo te'n chung siar iangin;
Za te'n tual kan leg tawh ang.
A ngur khua tin fang chhuak ila,
Kei ang a riang - val awm maw
Tawng ang i maw zawn ka nuam e,
Ar ang ka vaihpui tur hi.
