Chothlapino khai mah khao kha
Satu(te): RT Hneiso Zawhly

Ei lailâh zydua vaw sai laih tyh na
Chôthlahpi khaih phana ry liata
Ahy thângia leipa ta akao laih ei
Kei deikua tuhpi kalienô hawhta
Tlâh to chahryh pata lôhlie hla paryh laih na

Chôthlahpinô y khaih mâh khao kha la
Na khaih heihpa chhaota
Kei ei lôhdupaw a chareina tlâh na chho bâ mah y
Na khaih phanazy he kei rairao nawh vâsâna deita a châ

Ei chhôhso lia ei my thei lei khoh tua paw
A hnazô ei hmô châ thieh via rili
Kyhpachâna lyuhbie hlâ aw sala
Kheihta ma lôhpi a phao aw tly i
Nawh ei chhôhso rie thei rimâ bao chala

Chôthlahpinô y khaih mâh khao kha la
Na khaih heihpa chhaota
Kei ei lôhdupaw a chareina tlâh na chho bâ mah y
Na khaih phanazy he kei rairao nawh vâsâna deita a châ

Na lailâh nô nata khôhphei na kia nota
Na chhôhso lia einâ thei tyh hra chi ma
Keila myna noh rai chaw hnei va na
Rianai lôh hro phao ta vaw kua teh
Na châ chhôhso ei vaw parua thlâh haw

Chôthlahpinô y khaih mâh khao kha la
Na khaih heihpa chhaota
Kei ei lôhdupaw a chareina tlâh na chho bâ mah y
Na khaih phanazy he kei rairao nawh vâsâna deita a châ


   Facebook      Twitter    :    Views(20)