Ms i dawn chiang lo
Satu(te): Vanlalsailova
Aw di, han dawn chiang la,
Hlimni leh lawm lai ni te;
Chen in lenrual an hlim zo, an mawi ngei e,
Aw, keipawh nang vang in ka hlim ve thin a,
Mahse, ka hlimna leh lawmna ber chu;
Kham hrui ang in min lo chahsan ta si a.
Fam hnu i dawn em ni, hlimten ka len lai a,
Tahna ruam ka zawh tak le;
Hlimna thaikawi emaw ka tih lai a,
Thenna biahthu a lo nih tak le,
Aw, engan ka lo tawn che;
MS, i dawn chiang lo.
Min hnem thei tur zawng in ka hawi vel ruai ruai a,
An awm lo min hnem thei ka hmangaih lo chu;
Hmanah thaikawi min hlan lai khan,
Min ngen a ni lawm ni?
Tunah lengdang bel a min liamsan tak le,
Aw, ka tuar an a na e, aw, a na e.
Aw, di lam ang let in ka tang han bel leh la,
A thlawn lo luipuiah pawh a luang lut lo;
Ka thinlungah a in khawlkhawm zawk a sin,
Tia biahthu min hlan lai khan min hmangaih a ni lawm ni,
Aw, engan nge tunah lengdang min chhaih san tak le;
MS, i dawn chiang lo.
