Sual bawiha tang lungngai leh mangang
Lettu: R. Vanlalzawma
Doh is A
Sual bawiha tang lungngai leh mangang,
Isu, i hnen ka rawn pan e;
Zalenna eng leh lawmna ngaiin,
Isu, ka rawn pan che.
Ka thla hliam chau i chakna ngaiin,
Ka thla riangvai i hausak ringin;
Ka thla sual hi i hnen cheng turin,
Isu, ka rawn pan che.
Kei tling lo leh chak lohna phuar vel,
Isu, i hnen ka rawn pan e;
I kraws hnehna ropui hmachhhuanin,
Isu, ka rawn pan che.
Lei lungngaihna thlamuanna hnemtu,
Dam lai thlipui hrang kara himna,
Mangannaah lawmna min pe la,
Isu, ka rawn pan che.
Ka hring nun buai, chapo, uanna nen,
Isu, i hnen ka rawn pan e;
Nangma thu thua awm zel turin,
Isu, ka rawn pan che.
I hmangaihna huanga len ka duh,
Beidawnna huanga len ka duh,
Thuro angin thlawkin rinnain,
Isu, ka rawn pan che.
Thihna leh thlan thim hlauhna a ta,
Isu, i hnen ka rawn pan e;
I in enga i hnen cheng turin,
Isu, ka rawn pan che.
Boralna khur thuk tak atangin,
I beram huang himna ka rawn pan;
I hmangaihna hmel mawi hmu turin,
Isu, ka rawn pan che.
