Nitinin ka nunna ah duh thlan tur a awm a,
Tisa duhna leh thlarau duhna a ni;
Thiltha tih ka tum changin thil thalo ka ti thin,
Tisa duhna in min hneh fo thin a.
That ka tum ve leh ka sual leh thin,
Thil tha tih theihna reng ka nei lo;
Lalpa tel lo that tum zawmg, engmah lo mai a ni,
Aw Lalpa nang chauh ka thatna i ni.
Midang hmangaih theihna pawh, thiltha anih ka hria,
Hmangaih ka tum ve leh huatna a tam si;
Lalpa tello hmangaihna engmah lo mai a ni,
Aw Lalpa nang chauh ka felna i ni.
Nitinin fel ka tum thin thil tha a nih ka hria,
Ka theihna in ka tum a ka sual leh thin;
Lalpa tello fel tum zawng engmah lo mai a ni,
Aw Lalpa nang chauh ka felna i ni.
Ka nunna chu kros chungah khan,
Krista nen khenbehin a awm tawh;
Tuna ka nunna pawh hi keimah ni tawh lovin,
Keimahah Krista a nung zawk a ni.
Lalpa i hmaah misual ka ni,
Thil tha tih theihna reng ka nei lo;
Lalpa ka nunna hmangin i nihna lan tir rawh,
Engkim hi i ropui nan hmang ang che.